Aghjugna à u vostru librettu di strada

Jean-Dominique FRANCHI

Farina di castagna AOP -

Accolta : Da uttrovi à aprili.

I tarritorii : Dui Sevi-Dui Sorru - Cruzini - Cinarca

I catigurii : In ghjiru à l’alivu è u castagnu

I pruduzzioni agriculi : Oliu di Corsica, A farin castagnina corsa

Quandu una piccula pruduzzioni currispondi cù passioni… è famiglia !

Semi quì à u cori di u Parcu Naturali Righjunali di Corsica, vicinu da u golfu di Portu, ind’u paisucciu d’Ota, tipicu è discretu. Hè quì chì Jean-Dominique Franchi ci parla cù passioni di i so castagni è di i so alivi. Aiutatu è cunsigliatu da i so parenti, elabureghja prudutti di bunissima qualità (a so farina di castagna hè stata primiata dui volti à a Fiera di a Castagna di Bucugnà è prisintata à u salonu di l’agricultura di Parighji).

I castagni sò più luntanu, insù versu Rennu, nantu à a teppa di a muntagna. Pruducini i picculi castagni corsi, scuri, bumbuti è assai savuriti : i Ghjentile. Sò colti di mani, cù cura, duranti deci ghjorni (seti chilò di castagni freschi darani dui chilò di farina), po siccati ind’un caseddu, cù un focu di castagnu accesu duranti vinticinqui ghjorni. Dopu venini a sbuchjera è a scelta, guaranzia d’un pruduttu di qualità, po u passaghju à u fornu à legnu chì li darà una culurazioni è un gustu prufumatu, è infini, u passaghju à u mulinu à acqua, ind’u paesi di Cutuli. À u finali : una farina fina è muscosa, labillizata in appillazioni d'urighjini prutetta.

Una piccula pruduzzioni d’oliu d’aliva, dolci, savurosu è sputicu vi hè ancu pruposta da Jean-Dominique è Antoine-François u so nipoti, ghjovanu agricultori passiunatu, prontu à piglià a seguita. Tutti issi prudutti poni essa tastati in Ota, ind’ì l’ustaria Chez Marie (nomi di a mamma) duva sareti accolti da a so suredda, Victorine, una cucinara ottima !