Aghjugna à u vostru librettu di strada

Brigitte LE MEUR et Christian HIGOA

Farina di castagna AB et AOP - Biscuttaria à basa di castagna

Accolta : Tutta l’annata nantu à appuntamentu

I tarritorii : Corsica Livantina

I catigurii : È dinò…, In ghjiru à l’alivu è u castagnu

I pruduzzioni agriculi : A farin castagnina corsa

À u principiu di l’anni 2000, mentri ch’eddu purtaia aiutu à un coppiu d’amichi pruduttori di farina castagnina, Christian Higoa ùn pinsaia mancu appena ch’un ghjornu eddu dinò avissi da duvintà pruduttori. Christian hè tecnicu arburicultori di furmazioni. Brigitte Le Meur, a so cumpagna di sempri, hè cummircianti. Sò sempri insemi. Quand’eddu pensa à sviluppà una splutazioni in Petrapola, di sicuru hè cù l’idea di travaglià cun edda. L’idea li piaci. Brigitte sarra a so buttega. Ed ecculi pronti à a partenza ! À u principiu pari un travagliu senza fini.

« Ci era tantu da fà ! Erami quasgi scuraghjiti… » ci dici Christian. « Erami sdilaziati… » aghjusta subitu Brigitte. « Ci semi pigliati un tarrenu cupartu da a machja, à l’abbandonu dipoi cinquanta anni, ci hè ancu accadutu di perdaci ! » Eppuru u travagliu tamantu ùn caccia a voglia à u coppiu. « Hè una libertà di schiavi, dici Christian cun irunia. Ma tamantu piacè di travaglià ind’è sè, cù u ritimu di i staghjoni. Sta libertà ùn hà prezzu. »

Oghji Brigitte appronta biscuttini diliziosi cù sta farina sputica cirtificata AB è AOP. Ùn li manca l’ispirazioni par invintà sosuli novi chì vi n’eti da liccà !

Vinti setti anni prima, Christian scuntraia à Brigitte à l’ombra di i castagni. A so storia cuntinueghja sottu à u lumu di i stessi alburi.