Aghjugna à u vostru librettu di strada

Anne AMALRIC

Domaine Marquiliani

Oliu d’aliva AOP - Amanduli AB -Vinu AOP Corsica - Alloghju

Accolta : Tutta l’annata cù appuntamentu

I tarritorii : Corsica Livantina

I catigurii : I toli & stanzi d’ospiti, ustarii agriculi & alloghji campagnoli, In ghjiru à l’arbureti è l’orti, I vini, In ghjiru à l’alivu è u castagnu

I pruduzzioni agriculi : I Vini di Corsica, Oliu di Corsica, Nucigliuli è amanduli

Zone de livraison

de Bastia à Porto Vecchio,
Ajaccio
06 25 72 65 62

Produits livrés

huile d'olive aop, Vin rosé, Amandes bio

U ritimu di a natura…

U pianu d’Aghjone ; hè à nantu à una di sti tarri ch’eddi sò stati cultivati i primi alivi in Corsica. Un locu calmu, pienu di paci, un casonu vechju di dui centu anni chì s’alza nantu à una splutazioni di famiglia di 47 ettari…Hè quì ch’Anne Amalric pruduci amanduli, alivi è uva.

A vigna hè posta nantu à lenzi pitricosi tinuti da ricciati è chì falani sin’à i spondi di u Tagnone. L’uvizzati Sciaccarellu è Syrah, vindimiati quand’eddi sò maturi è in parechji volti dani un vinu chjarasginu dilicatu chì hà da incantà i vostri sirati d’istati.

Ma a vera passioni d’Anne hè l’alivu ! U so alivetu si stendi pianareddu in a vaddi induva a tarra è u microclima eccezziunali dani à l’oliu dulcezza è equilibriu. Da a cugliera sin’à l’imbuttigliamentu si cerca sempri a qualità : hè una vera tradizioni di famiglia chì cù un travagliu fattu cun attinzioni ani parmissu a pruduzzioni d’un oliu raru in AOP – Domaine Marquiliani è Moulin de Pauline, un oliu cù 100% di frutti, è chì s’hè vintu naturalamenti una midaglia d’oru !
Sè dopu ghjunti ùn aveti più laziu di parta vi ni pudeti ancu stà chì v’aspetta a casa di famiglia, cù tuttu u cunfortu par ottu parsoni. Cù in più un giardinu maiò, una pissina è una tarrazza…è, in più, una vista magnifica nantu à a tozza di u Rinosu.
Seti sicuri di passà un sughjornu veru in a natura.

A vendita di i prudutti si faci nantu à u locu o in butteghi spicializati.