Aghjugna à u vostru librettu di strada

Pierre PERALDI

DOMAINE ARCUSA

Oliu d'Aliva AOP

Accolta : Pigliendu un appuntamentu.

I tarritorii : Sartinesi Valincu Taravu

I catigurii : In ghjiru à l’alivu è u castagnu

I pruduzzioni agriculi : Oliu di Corsica

S'elli sò parechji à sente da giovanu a chjama di a terra, d'altri cum'è a famiglia Peraldi-Laporte a sentenu abbastanza tardi issa rivelazione ma cù a listessa determinazione è sincerità.

“Avemu campatu durante un bellu pezzu à u strangeru inde l'automobile... ma avemu intesu un ghjornu u bisognu di ritruvà ci in giru à un veru prugettu di famiglia è di arradicà si cù i nostri figlioli”, cunfideghja Dominique, accugliendu ci à u Duminiu di l'Arcusa. È u minimu chì si pò dì, ghjè ch'ella ùn teme sta famiglia nè a sfida nè u travagliu ! “Avemu acquistu sti 350 ettari di machja chì ùn eranu mai stati cultivati è induve vuliamu fà u nostru alivetu è e nostre stalle.”

Qualchì annu dopu, sò stati piantati più di 20 000 alivi, hè statu risturatu un vechju caseddu è si sò stallate unepoche di stalle di quelle muderne ! S'elli campanu oghje in cuntinente o in Londra i figlioli, hè sempre una stagione ideale a racolta di l'alivi per ritruvà si in famiglia in giru à i valori di u travagliu è di a spartera, chì ci anu purtatu à cumprà sti tacculelli di machja abbandunata.

Hè natu un duminiu ma, di più chè cusì, un locu di scontru trà e generazione d'una stessa famiglia chì furtificheghja e so radiche.

*Casetta tradiziunale corsa fatta di petre.