Aghjugna à u vostru librettu di strada

Roger Philippe MAURIZI

Domaine Petraghje

Oliu d'Aliva AOP

Accolta : Da lugliu à settembre, da u luni à u venneri /
da ghjennaghju à ghjugnu cù un appuntamentu.

I tarritorii : Corsica Livantina

I catigurii : In ghjiru à l’alivu è u castagnu

I pruduzzioni agriculi : Oliu di Corsica

À chì batte per isse cime muntagnole cunnosce di sicuru à Roger-Philippe Maurizi è i soi, puntelli inalpellati di i stazzi di E Capanelle in pede à u Rinosu. À chì ci hè ghjuntu pè dorme o pè manghjà pò testimunià di a qualità di i piatti nustrali quant’è di a benevulenza di l’accolta. Hè patrona di i lochi dipoi parechji anni a famiglia Maurizi è ci face cumbasgià lindu roba scelta è cunvivienza.

Ciò ch’elli ùn sanu micca quelli visitadori hè chì tempu vultatu à u so duminiu di e Petraghje in piaghja levantina, barratteghja i so furnelli per u fragnu è vene uleicultore. « Aviamu issi lochi in piaghja è babbu ci vulia pone arburi fruttiferi ma a nostra attività muntagnola ùn ci dava tempu abbastanza pè accuncià e duie » ci spieca Roger-Philippe. Ci vulia à sviluppà una cultura chì si cuntressi cù a nostra attività muntagnola. Ci hè parsu a cultura di l’alivu cum’è una evidenza ! Ci simu infurmati è furmati à fiancu à l’uleicultori più pratichi di a regione per sviluppà un’attività agricula nova ch’ùn cunnisciamu tantu. »

Oghje, ammaistreghjanu d’incanti Roger-Philippe è a so moglia u sugettu è travaglianu nantu à sfarente tinazzate d’oliu d’aliva cù a listessa asprezza è a listessa esigenza di qualità chì li hà datu una fama soda è una doppia medaglia d’oru à u Cuncorsu Internaziunale di Atene. Una cumplementarità arriesciuta cù a so attività prima !