Aghjugna à u vostru librettu di strada

Juliette et Etienne ANDREANI

Le Moulin de Sardelle

OLIU D’ALIVA AOP - ALLOGHJI

Accolta : Da maggio a settembre, da lunedì a venerdì, la mattina / altro: su appuntamento / alloggi su prenotazione tutto l’anno.

I tarritorii : Sartinesi Valincu Taravu

I catigurii : In ghjiru à l’alivu è u castagnu, I toli & stanzi d’ospiti, ustarii agriculi & alloghji campagnoli

I pruduzzioni agriculi : Oliu di Corsica

Cinque mila anni nanzu à Etienne Andreani è a so moglia Juliette, l’omi di u Neuliticu avianu dighjà sceltu u rughjone di Filitosa pè stallà si, truvendu in stu locu tracarcu di sole è chì supranisce a cala di Portipoddu, una terra di cultura ideale.

Hè, di sigura, incù sta cunvizione è u so sennu paisanu, chì Etienne Andreani hà decisu, una trentina d’annate fà, di ridà una vita à un alivetu multiseculariu. “Aviamu rimessu l’alivetu in statu, putatu l’arburi, postu i novi alivi, stallatu un fragnu mudernu è di qualità...”. U mulinu di Sardelle hè natu di stu travagliu rigurosu è ustinatu. A nomina di u so oliu d’aliva dolce è fruttutu hà subbitu subbitu francatu e fruntiere di Taravu Valincu.

“Oghje a qualità di u nostru oliu hè ricunnisciuta” A ghjente cunnosce u nostru seriu è u valore di u nostru oliu” sottulinieghjanu à tempu. Dapoi unipochi d’anni, u coppiu d’alivicultori hà decisu di fà sparte à unipochi a magia di i lochi creendu dui alloghji bellucci à mezu à u so alivetu. “A ghjente vene quì per u calmu è a bellezza di i lochi. Per noi, hè dinò l’occasione di fà cunnosce megliu u nostru oliu è u nostru mistieru.” À a ritirata di pocu, oramai Etienne hà datu e chjave di u so duminiu di Sardelle à a so sposa, ma scumettimu ch’ellu ùn sarà mai luntanu !