Aghjugna à u vostru librettu di strada

Solange FAVRE

Macchia e Ortu

Oliu d’aliva AOP – Arbi arumatichi - Vervena

Accolta : Da maghju à sittembri / da u ghjovi à u sabbatu dopu appuntamentu.

I tarritorii : Sartinesi Valincu Taravu

I catigurii : È dinò…, In ghjiru à l’arbureti è l’orti, In ghjiru à l’alivu è u castagnu

I pruduzzioni agriculi : Oliu di Corsica

Solange Favre hè una donna cù una voci ridancia, un’energia ch’edda vi trasmetti è una criatività senza frenu. Seguenti i staghjoni vidareti sta ghjovana donna à quandu cuddendu l’alivi, à quandu appruntendu cunfitturi deliziosi, racoglia u meli o ancu puru vesta clementini cù a cicculata… «Sò crisciuta quì è aghju sempri vistu à babbu travaddà a tarra è ricaccià ni tuttu ciò ch’edda ci pudia rigalà, tandu, di sicuru, era tracciata a me strada », ci cunfida Solange Favre è cuntinuveghja «Socu partuta à fà i studii in Cuntinenti è aghju fattu parechji mistierii prima di risponda à a chjama di babbu è vultà par piddà a seguita ».

Oghji Solange è u babbu, benchì ritiratu, travagliani sempri insemi. « Ùn ci stanchemi mai di travaddà è avemi a passioni di ciò ch’è no femi, tandu a ritirata… », dichjara a ghjovana donna. Trà i racolti, a so prisenza nantu à i fieri è i marcati, riceva u publicu in l’impresa, Solange faci tutti l’arti « A sapeti, ciò chì mi piaci u più, hè quandu si vedi affaccà una parsona à casu ind’è mè è chì volta l’annu dopu par tastà prudutti novi. » Hè cusì ch’edda hè felici Solange !