Aghjugna à u vostru librettu di strada

Vincent et Joseph PAOLANTONACCI

Salameria AOP - Vitellu

Accolta : Tuttu l'annu, pigliendu un appuntamentu.

I tarritorii : Sartinesi Valincu Taravu

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

Ci sò omi chì si cunfondenu cù u locu induv'elli campanu, tantu ch'ella si face a simbiosi cun elli dapoi sempre. Hè di quessi u purcaghju Vincent Paolantonacci !

A so vita, l'hà passatu sana sana quì in u so paese di l'Alzilone Ampaza. “À dilla franca, ùn mi sò mancu postu a quistione, chì era quì a mo vita. Per mè, andava cù i so pedi !”, cunfideghja simpliciamente u purcaghju. Dapoi sempre, alleva i so porchi à mezi à u castagnetu è i quercetu di l'Ornanu, face a so salameria seguitendu i precetti simplici chì anu fattu e so prove : l'animali liberi inde u so ambiu naturale, una robba sana è varia è un sapè fà salamaghju anticu.

D'altronde, l'hà ricunnisciutu u cullegiu culinariu di Francia cum'è “pruduttore artisgianu di qualità”. Affiancatu oghje da u so figliolu à quale ellu hà tramessu u so sapè, parcorre a so sfruttazione Vincent Paolantonacci cù u stessu sguardu maravigliatu è vi face vede à tempu un'anziana petra di bica inde a machja o un querciu centannincu chì l'hà vistu nasce. Tagliemu la à l'accorta, una vita simplice, ma dinù culmata da e certezze è da a suddisfazione d'esse à a so piazza è induv'ellu ci vole !