Aghjugna à u vostru librettu di strada

Paul François SANTONI

BARONCIA, Domaine Agricole

Salameria AOP - Carne purcina fresca

Accolta : Da mane longu l’annata, abbisogna un appuntamentu

I tarritorii : Sartinesi Valincu Taravu

I catigurii : L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica

S’ellu ci era un paradisu per i porchi, si assumiglieria di sicuru à u duminiu Baroncia induv’ellu travaglia un giovanu agricultore appassiunatu : Paul-François Santoni Hè posta a spluttazione in una machja arburata ch’elle percorrenu muragliette à l’asseccu, piani è pianure suprananu u mare. Si stende quessa nantu à una pruprietà di eccezzione, classificata spaziu rimarchevule, in un massicciu buscosu di a sponda nordu di u golfu di u Valincu. Da seculi, hè statu sfruttatu u duminiu per l’attività agricule è di allevu ma, segondu à Paul-François Santoni, hè u simbulu di l’ambiu famigliale ch’ellu hà sempre cunnisciutu è induv’ellu hà decisu di stabilisce si dopu parechji anni in u corpu di i Spenghjifocu di Parigi.

« Quandu era chjucu, spessu, a mi trasgendulava vicinu à u Caseddu di a mio minanna è aghju avutu a voglia di mantene issa tradizione agricula principiata da i mio antenati. » U giuvanottu hà sceltu di rigalà à i so porchi nustrali issu locu idillicu da ricaccià ne prudutti di qualità : « Vulia una spluttazione chì ùn fussi smisurata è un modu di allevu estensivu, arrimbendu si à a messa in valore di percorsi ammachjati è di rilievu sparu. E bande si stanu, l’annata sana, fora. Ùn hè chè mentre u purcellà ch’elle sò aggruttate e lofie in e casette.

Issu modu di allevu appaghjatu à un’alimentazione naturale assicureghja à issa salameria un carattere unicu », eccu ciò ch’ellu ci spiega Paul-François Santoni cù un ardore palesu. Si pò dì ch’ella si assumiglia, a ricunversione di u giovanu spenghjifocu, à una success story, è pare chì a nomina di i so prudutti, chì si sparghje sempre di più, ùn a sbuciardessi.