Aghjugna à u vostru librettu di strada

Noellie ANDREUCCI

U Taravu

Salameria AOP - Farina castagnina AOP

Accolta : tuttu l’annu / l’attellu si trova in u stessu locu chè l’usteria

I tarritorii : Sartinesi Valincu Taravu

I catigurii : In ghjiru à l’alivu è u castagnu, L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica, A farin castagnina corsa

“Di leva in purleva” eccu un vechju adagiu chì và benissimu à a ghjovana purcaghja di Zevacu, Noëllie Andreucci. Noëllie hè, difatti, a figliola d’Angeot è Nadia Andreucci chì gestiscenu l’usteria U Taravu in core di u paese. S’è certi anu ricordi di zitellina in u giardinu publicu o sottu à un casamentu, ùn hè mancu appena cusì per Noëllie Andreucci chì hè ingrandata à mezu à a banda di porchi di u babbu è trà i muschi di a cucina familiale in l’usteria tenuta da a mamma. Ci saria vulsutu un miraculu per chì a ghjuvanetta sviessi da u so destinu postu chì hè stata cundiziunata da stu ambiu straurdinariu è atipicu.

“Dapoi chjuca chjuca a sapiu ciò ch’e fariu più tardi, ùn ci era nisun dubbitu in a me mente” spiega lugicamente a ghjovana purcaghja. S’ella hà seguitatu i studii agriculi necessarii à a creazione di a so splutazione, scumettimu senza risicu chì a maiò parte di a so furmazione prufessiunale era dighjà acquistata dapoi un pezzu incù i so parenti. Oghje, Noëllie scumparte u so tempu segondu e stagione trà a colta di e castagne di vaghjime, a fabricazione di a so salameria d’inguernu è l’indispensevule aiutu datu à l’usteria per l’estatina. U destinu dighjà scrittu di a ghjovana working girl nustrale !