Aghjugna à u vostru librettu di strada

Audrey RABINEAU

Capra Parc

Casgiu AB caprunu, spassighjate incù e capre

Accolta : D’aprile à sittembre : vendita di u casgiu à a mandria,
spassighjate incù e capre pigliendu appuntamentu.

I tarritorii : Corsica Livantina

I catigurii : L’addevu, a robba purcina, i casgi, Cultura/natura/binistà/passatempi

I pruduzzioni agriculi : U casgiu corsu

Dighjà zitelletta, Audrey Rabineau hè passiunata da l’animali. Durante e so vacanze in Corsica, piglia in ritrattu e bande di capre ch’ella scontra nantu à i chjassi di e girandulate. Tandu i so parenti li dicenu sempre : “Quand’è tù sarai maiò, averai a to propia splutazione !” Ùn pudianu induvinà megliu l’avvene !

À 32 anni, Audrey principia a so ricunversione, direzzione a Corsica. “St’animali sò sempre stati prisenti in a mo mente, conta a ghjovana pastore. À principiu aghju fattu una prima prova d’impurtazione di razza, ma u risultatu ùn era pusitivu. S’elle ùn pudianu vene fin’à mè, andaraghju fin’à elle !” Capra parc apre e so porte in u 2016 incù una banda di 120 capre chì 60 à a munghjitura. “È hè dighjà assai ! dice scherzendu Audrey. Hè impurtantissimu per mè chì ogni animale avissi u so spaziu è una cura particulare. Ci vole tandu assai energia !” Un’energia chì si risente quand’omu tasta i casgi in Agricultura Biulogica (AB) di Capra Parc.

À tempu, a nova agricultrice sviluppa altre attività : a spassighjata in cumpagnia di e capre è l’iniziazione à a munghjitura. Chì per Audrey, a tramandera à e ghjovane generazione hè essenziale. Ch’ellu campi centu anni Capra Parc !