Aghjugna à u vostru librettu di strada

Mathieu GUGLIELMI

Gaec Camposciolo

Accolta : Accolta : da sittembre à a fine di lugliu.

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

~~Si pò esse figliolu è figliulinu di pastori, esse statu impastatu dapoi a so zitellina in l’universu pasturale di i so antenati è ùn risente un’affezzione naturale per u mistieru. “Dopu à u mo baccu, aghju principiatu i studii d’ecunumia/cuntabilità ma l’azardi di a vita anu fattu chì m’hè toccu à rimpiazzà qualchì tempu u mo ziu poi u mo babbu nantu à a so splutazione rispettiva è hè tandu chì a mo voglia hè cambiata”.

Difatti, u ghjuvanottu capisce chì a so strada persunale hà da infattà oramai u chjassu di e muntagnere pigliatu da i soii. Ma incù fuga è l’ardore d’intraprende di u ghjovanu agricultore, a splutazione di famiglia hà da piglià un’antra dimensione.

“Babbu vendia u so latte ma ùn u trasfurmava micca, eiu aghju vulsutu fà u mo casgiu è u mo brocciu. Dunque aghju mudernizatu a splutazione, custruttu u casgile, cumpratu trattori...”

S’è à principiu, u babbu di Mathieu guardava st’evuluzione incù un pocu di prudenza, oghje sparte u fervore di u so figliolu è hè u primu “prumutore” di i so casgi è di u so brocciu.

Per cunclude, diceremu chì stu pruverbiu nustrale riassume bè sta passata : “À chì studia ùn perde tempu !”. Mathieu Guglielmi ùn s’hè micca precipitatu, aspittava solu ch’ella tucchessi à ellu !