Aghjugna à u vostru librettu di strada

Nelly et Augustin LAZZARINI

Casgiu caprunu campagnolu - Brocciu AOP

Accolta : Da ghjinnaghju à ghjugnu, 9 ori - meziornu / vendita di furmagliu in epica di muntagnera.

I tarritorii : Centru di Corsica

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu, Agneddu lattaricciu è caprettu

Hè prima a storia d’un scontru trà un pastori di Biguglia è una ghjovana studienti bramosa di vultà in Corsica à ripiglià a splutazioni di u so ziu, pastori in Nuceta. « Hè da veru l’unioni di i sapè fà d’ognunu è di i cumpitenzi cumplimentarii chì ci hà parmissu di custruiscia a nostra splutazioni attuali », conta a dinamica Nelly Lazzarini. « I me studii di biulugia ind’u duminiu agroalimentariu ùn mi parmittiani micca di ripiglià a splutazioni di me ziu. Mi mancava u sapè fà pasturali », è dici cuntinuendu : « Da u so cantu, Augustin funziunava un pocu à l’antica cù a so piccula splutazioni, a so barracca in legnu è a mugnera fatta à a mani. Da u nostru scontru hè natu u matrimoniu di a tradizioni è di a mudernità. Augustin m’hà amparatu tuttu di u mistieru di pastori è in scambiu, l’aghju trasmissu i me cunniscenzi scentifichi pà ghjugna à crià un casgili mudernu, dinamicu è cumpetitivu. »

S’è Augustin parti pocu da i so muntagni, Nelly, ella, sparti oramai i so cunniscenzi cù i ghjovani agricultori è s’impegna assai in u mezu assuciativu è sindicali pà cuntribuiscia à a mudernizazioni di u mistieru di pastori in Corsica.

Hè ind’u paesi di Nuceta ch’elli allevani i so 200 capri di razza corsa. Facini parti di i pastori chì praticheghjini sempri a muntagnera di i socciti. Di modu naturali, facini un furmagliu di tippu vinachesi, chì vali a pena di cansà si in più di u so brocciu rinumatu !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu