Aghjugna à u vostru librettu di strada

Marie-Noëlle CULIOLI

U Francolu

Furmagliu di pecura – Agneddi - Pastizzarii cù u Brocciu

Accolta : a matina nantu à appuntamentu da nuvembri à ghjugnu / / Di statina, puntu di vendita in l'Ospedale à a bocca di Melu. Priparazioni di Sciacci è Fiadone.

I tarritorii : Sud Corse

I catigurii : L’addevu, a robba purcina, i casgi, È dinò…

I pruduzzioni agriculi : U casgiu corsu, Agneddu lattaricciu è caprettu

Marie-Noëlle Culioli hè attiva in parechji duminii : ind’u so rolu di mamma, ind’u casgili U Francolu inturniata da i so 160 pecuri, è infini à a prisidenza di i ghjovani agricultori corsi, (Jeunes Agriculteurs Corses), (frà altru chì u listinu saria pocu longu !).

Subitu à a fini di i so studii in pruduzzioni animali è cuntabilità, Marie-Noëlle privedi dighjà di metta in ballu un prucessu di stallazioni. « I me studii cuncirnavani a splutazioni agricula. Quandu sò stata incinta, aghju dicisu di divintà à tempu capu di splutazioni ! » Suvita cusì l’asempiu di i so parenti, Ange-Noël è Maryline, di i so minnanna è missiavu materni chì t’aviani un bistiami impurtanti di purcini, è quilli paterni accupati cù parechji animali. « Aghju sempri campatu ind’ì st’ambienti naturali, à mezu à vacchi, capri è pecuri. I me parenti ani piantatu tramindui a so attività in u 1983 pà divintà allivatori. Un’ sò ancu viramenti à a ritirata ! » Cù u so sustegnu, Marie-Noëlle parfizziuneghja a fabbricazioni di u so Brocciu, l’elevu suprana oghji i maestri !  « U me babbu hè un omu di cunvinzioni cù valori forti. Com’è eddu, socu chì i sapè fà antichi camparani sempri, parchì i ghjovani agricultori i rindarani eterni ! » Marie-Noëlle hè indiata, cunvinta chì a prima putenza economica di a Corsica hè l’agricultura. A suvitemi vulinteri nantu à stu tarrenu, mossi da a so energia cummunicativa !