Aghjugna à u vostru librettu di strada

Yves LECCIA

Domaine Yves Leccia

Vini AOP Patrimoniu – Muscatu AOP Capicorsu

Accolta : Tutta l’annata

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Zone de livraison

De Bastia à Lucciana

Produits livrés

l’ensemble des vins de Domaine Yves Leccia en cartons de 6 Bouteilles panachées ou non

I beddi storii famigliali, fatti di passioni è di sputichezza ùn asistini micca solu à u sinemà : dapoi 1850, a famiglia Leccia di Poghju d’Oletta ci conta una storia è sapè fà chì dani nascita à vini di prima trinca ! Isciutu da sta sterpa di vignaghjoli, Yves Leccia tramanda issu passatu rinumatu è à u so ghjiru porta altu altu i culori di l’AOP Patrimoniu !

Da ghjovanu, principia è riesci studii d’enulugia in Montpellier. À u principiu di l’anni ottanta, cumencia u so mistieru di vignaghjolu cù u babbu à nantu à a splutazioni famigliali. Si n’andarà in 2005 pà crià è stallà u so propiu duminiu nantu à i tarreni magnifichi chjamati E Croce è Partinelone. Oghji, cù a so sposa Sandrine, cultiva a so vigna ind’u rispettu di a tarra. Di sittembri u so vignetu s’imbiddisci di beddi graneddi negri o durati. Sò vindemii fatti à a mani. Soli i caspi parfetti è beddi maturi sò colti ! Ind’a tina in inossu è termò rigulata, u suchju bodda è a magia si metti in baddu !

Vermentinu, Niellucciu, Grenache, Minustellu, Muscat petit grain, Sciacarellu è Biancu Gentile custitueghjani l’insemi di l’uvizzi chì sprimani à traversu à eddu tutta a biddezza di a so tarra : « Hè una quistioni di variazioni. S’omu hè capaci di dì s’eddu si tratta d’un Vermentinu o d’un Niellucciu di Patrimoniu, tandu possu dì ch’aghju fattu u me travagliu comu si devi ! » Un’esigenza efficaci postu chì ùn hè scarsu di veda i so vini mintuvati da a stampa spicializata è da cantinari rinumati, com’è riesciti trimendi !