Aghjugna à u vostru librettu di strada

Jean-Paul GENTILE

Domaine GENTILE

Vini AOP Patrimoniu - Muscatu AOP Capicorsu

Accolta : Tutta l’annata nantu à appuntamentu/ da u luni à u vennari : 8h30-11h30 / 15h-18h

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Ci sò i tarri fatti pà i vignaghjoli. Ind’ì l’aghji di l’AOP Patrimoniu è Muscatu di u Capicorsu, u Duminiu Gentile ni faci parti.

Dominique Gentile hà travagliatu senza dismetta nantu à issu duminiu pà dà li un’identità forti par via di vini di qualità maiò.
Dapoi 1994, u so figliolu, Jean-Paul, enulogu di furmazioni, cuntribuisci, cù talentu, à u sviluppu è à a mudernizazioni di u duminiu è di a cantina

Agricultura Biò, renditi limitati, vindemii fatti di mani, silizzioni parcellarii, vinificazioni fini : sottu à u cumandu di Jean-Paul, a qualità ferma un affari sicuru. Un’ ci hè nudda di stunanti chì u vignetu rinumatu sia unu di i più riprisentativi di l’appillazioni Patrimoniu. « Ogni azzioni, ogni gestu hè pinsatu quì in funzioni di u rispettu di u pruduttu è di l’ambienti »  assicureghja Jean-Paul. « U Niellucciu, a Malvasia è u Muscatu cù picculi granelli facini parti di i mustinelli di u duminiu. Dani à i nostri vini a so tipicità è a so nubiltà. »

Tutta l’annata, Dominique è Jean-Paul Gentile curani è intrattenini i so uvizzi, survegliani a qualità di u granellu è pruducini, cù u rispettu maiò di a tarra, vini rossi di bellu fondu da cunsirvà,  bianchi è rusati fruttivi è equilibrati, muscati sitosi è armuniosi.

Ritruvetici à a cantina di u duminiu, in San Fiurenzu induva a più bedda accolta vi sarà risirvata.