Aghjugna à u vostru librettu di strada

Daniel CANARELLI

COSTA ROSSA

Vini AOP Figari

Accolta : Pigliendu appuntamentu telefonicu

I tarritorii : Sud Corse

I catigurii : I vini

I pruduzzioni agriculi : I Vini di Corsica

Daniel Canarelli si sprime incù una voce bassa è calma. Daretu à sta saviezza, acquistata longu à l’anni, si piatta una persunalità esigente è indiata. Natu in una famiglia d’allevadori, Daniel s’avvia versu a viticultura à a fine di l’anni 2000. I cinque primi ettari sò posti per andà in una cantina cuuperativa. Subbitu subbitu nasce a Tinata Costa Rossa.

“Aghju principiatu incù l’idea di pruduce un vinu di qualità, spiega quietamente u vinaghjolu. Per st’affare, eru in l’obligu d’aduprà, per esempiu, tinazze in legnu d’alta qualità. Stu stuvigliu dà tuttu a so lindezza à un vinu. Aghju pussutu fà u custattu da per mè !”

Daniel imaginava a so ricunversione solu in u so paese nativu, Tarrabucetta. Aghjusta incù cunvizzione : “Ci vole à campà in paese è à fà di e nostre cumune rurale veri lochi di vita”.

U so prossimu prughjettu sarà di creà un locu di cunvivialità in a cantina familiale à tempu chè u so novu locu di vendita. Chì per Daniel Canarelli, u vinu hè soprattuttu un affare di spartera.