Aghjugna à u vostru librettu di strada

Jean-Noël GROSSI

Domaine Jean-Noël GROSSI

Vini AOP Patrimoniu Muscatu AOP di Capicorsu

Accolta : Tutta l'annata

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Jean-Noël Grossi hè cascatu ancu ellu ind’a pignatta, da a so zitillina ! Nativu d’una famiglia di vignaghjoli, riprisenta oghji a quinta ghjinirazioni. “Com’è à spessu, à l‘epica di l’antichi, i famigli t’aviani i vigni ma ancu alivi è puniani u granu. Aghju campatu ind’è st’ambienti pasturinu !” conta cù umilità u vignaghjolu. In u 1984, Jean-Noël ripiglia a dirizzioni di a splutazioni è piglia dopu a dicisioni di a ristrutturazioni di u duminiu. Principia cù ardori a piantazioni d’uvizzi nobili è nustrali com’è u Niellucciu o ancu u Vermentinu.

“ U vignetu di Patrimoniu, chì binifizieghja di l’appillazioni d’urighjini cuntrullata a più antica, hà parmissu un rinnovu di i tarri cultivati ind’un cumprendimentu parfettu di u tarritoriu. Emi cunsirvatu cusì tradizioni com’è i vindemii à a mani è accittatu a bullitura naturali. Una cultura raghjunata in accordu sanu cù l’ambienti ! “ spiega Isabelle, a moglia di Jean-Noël, à fiancu à ellu dipoi trè dicennii.

Oghji, u duminiu hè stesu nantu à ottu ettari, cù a spiranza sicreta di pudè un ghjornu, allargà si !