Aghjugna à u vostru librettu di strada

Fabienne LUCCHINI

Domaine de Solenzara

Vini AOP Portivechju – Alloghji campagnoli

Accolta : Da maghju à sittembri, da u luni à u sabbatu, 9 ori –meziornu è mezu è 3 ori - 8 ori di sera / da uttrovi à aprili, tilifunà nanzu.

I tarritorii : Sud Corse

I catigurii : I toli & stanzi d’ospiti, ustarii agriculi & alloghji campagnoli, I vini

I pruduzzioni agriculi : I Vini di Corsica

Fabienne è Émile Lucchini si dani di rimenu è sò affacindati ! Ùn si stancani mai, sò incaricati, dipoi quattordici anni, di i 16 ettari di vigni di u Duminiu di a Sulinzara, situati nantu à l’altezzi di u paesi in bordu di mari. Un duminiu duva l’uvizzi lucali (à i quali s’aghjustani u Mouverdre è u Grenache) sò missi à l’unori. U famosu Sciaccarellu otteni tutti i favori di u coppiu di vignaghjoli.

« Quandu emi ripresu issi tarri, spiega u maestru di i lochi, u duminiu viticuli, criatu in u 1970, pruducia vinu di tavula. In u 1991, me moglia ed eiu l’avemu riurganizatu è criatu l'AOP Duminiu di a Sulinzara. A nostra vulintà era di ammanì stu rughjoni sicondu i nostri cunvinzioni è u nostru sapè fà ». Pà dà tutta a so putenza à i trè uvizzi sputichi, Fabienne è Émile ani sceltu una cultura raghjunata duva hè pruibitu qualsiasi elementu chimicu.

« I vindemii sò fatti à a mani nantu à l’insemi di a prupietà. I vigni dinò sò lavurati à a mani. Sta dimarchja ci pari di primura pà dà tutta a so forza à sta cultura rimarchevuli. » cuncludi Fabienne. È pà scopra la, u coppiu hà apartu à u publicu, ottu anni, fà trè alloghji campagnoli ind’un locu incantevuli : appullatu à mezu à i vigni, cù una vista trimenda nantu à u mari, a chietezza ritrova. Un veru paradisu !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu