Aghjugna à u vostru librettu di strada

Florence GIUDICELLI GIRARD

Domaine Vecchio

Vini AOP/ IGP – Prudutti Nustrali

Accolta : Da maghju à aostu, 9ori-meziornu è 3 ori è mezu-7 ori di sera / marzu-aprili è uttrovi, 9ori-meziornu è 3 ori-6 ori di sera /vindemii è altri staghjoni nantu à appuntamentu.

I tarritorii : Corsica Livantina

I catigurii : I vini

I pruduzzioni agriculi : I Vini di Corsica

Zone de livraison

Côte Orientale jusqu'à Bonifacio
06 03 78 09 96

Produits livrés

Vins AOP/IGP de Corse

Quand’ella era zitedda, Florence hà campatu à fiancu à i vigni di Niellucciu. Tandu, osserva, si poni quistioni. Ghjuvanetta, sà bè chì un ghjornu sarà patrona di u so Duminiu. « Quandu omu hà l’attichju di l’uva, hè affascinanti ! Si sà bè chì u primu scopu hè di fà u so vinu. U cunnisciati u me cugnomi à u liceu ? Hè Idefix ! ». Allora, in issu filu, hà da fà una mansa di furmazioni à u liceu agriculu di U Borgu.

U so scontru cù Jérôme, u so prumessu, enologu, hà da metta in baddu ancu più prestu u prughjettu ch’edda t’hà dipoi tanti anni. Natu da a so passioni pà i tisori di Baccu, u Domaine Vecchio hè natu mentri i vindemii di l’annu 2000. « Femi vini chì s’assumigliani à noi, vini di Vignaghjoli Artighjani ! »

À dui passi di u mari, nantu à a D17, in dirizzioni di Chiatra, u duminiu di 28 ettari si stendi nantu à i mezanii di u Monte San Appiano, una muntagna alta 1100 metri. U microclima favurizeghja i fumacci matinaghji, è a friscura di i notti rendi i graneddi d’uva savuriti è aciduli, pà una maturità parfetta ! A ghjovana, allegra è naturali, palesa di creda d’essa nata à bona stella. Iè « A furtuna si miriteghja ! », si pò dì chì Florence hà trovu à veru u so picculu paradisu è i vini squisiti ch’edda pruponi à u visitatori sò u so più beddu premiu.

A salute !