Aghjugna à u vostru librettu di strada

Muriel GIUDICELLI

Domaine Giudicelli Muriel

Vini AOP Patrimoniu

Accolta : Fin’aprile à ottobre /fora di l’estate, hè megliu di piglià un appuntamentu

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica


20253 Patrimonio
  06.11.56.36.24
  muriel.giudicelli@wanadoo.fr |
  @100051370196301

U so arcimissiavu era passiunatu è innamuratu di a vigna. U so babbu, un grandi amatori  di vini. Tandu era difficiuli pà Muriel Giudicelli d’ùn essa tocca da a listessa passioni !

Qualchì calzu di vigna sò stati posti in 1950 pà u cunsumu famigliali, sicondu l’usu nustrali in Corsica. Sta tradizioni hè intruta subitu in u cutidianu di Muriel, allivata ind’u rispettu di a tarra è di l’ambienti. « A me mamma ci hà sempri amparatu u gustu di i cosi boni. Erami nutriti cù frutti è ligumi sani, isciuti da u biulogicu. Era logicu par mè di tramandà issi usi nantu à a me splutazioni ! »

I piantazioni di u Duminiu Giudicelli – criatu in u 1997 – prufittani dunqua di trattamenti biudinamichi (una pruduzzioni cunsidarata com’è un urganisimu vivu, diversificata, è autonuma pà i quali i trattamenti sò d’urighjini urganica, senza prudutti in più). U maritu di Muriel, Stéphane, s’ingaghja cù ardori à fà stu travagliu dilicatu – mentri chì Muriel verificheghja a vinificazioni.

« A nostra filusufia hè d’adattà ci à i staghjoni è d’accumpagnà a vigna cun elli, rispittendu i so evuluzioni. U vignetu di Patrimoniu, oghji classificatu, hè una lascita tremenda. Ci hè un ambienti calcariu è tarra rossa, circundatu di matticiu, adattatu in tuttu à a cultura di u vinu. Ci vò à schisà di snaturà lu cù suluzioni chimichi ! »

U vinu « naturali » di Muriel hè u spechju di sta tarra lucali : sputica, libara è ghjusta !

 

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu

Infurmazioni incù * sò ubligatorii
Nous vous précisons que les informations recueillies par GUSTI DI CORSICA font l’objet d’un traitement informatique afin de permettre à GUSTI DI CORSICA de vous contacter. Vous disposez d’un droit d’accès, de modification, de rectification et de suppression des données qui vous concernent (art. 34 de la loi « Informatique et libertés » du 6 janvier 1978).