Aghjugna à u vostru librettu di strada

Jean Paul et Benedicte PHELIP

Domaine San Micheli

Vini AOP Corse-Sartène – Casa d'ospiti

Accolta : Da maghju à aostu, da u luni à u vennari, 10 ori-meziornu è 4 ori -7 ori di sera / Gruppi (+10 ) nantu à appuntamentu.

I tarritorii : Sartinesi Valincu Taravu

I catigurii : I vini, I toli & stanzi d’ospiti, ustarii agriculi & alloghji campagnoli

I pruduzzioni agriculi : I Vini di Corsica

È s’è à principiu u vinu di San Micheli era statu un bienda d’amori ? Ci cridaria omu vulinteri s’ellu si conta a storia di u ghjovanu sottuprifettu Phelip chì sbarca in Corsica è s’innamora prima d’un’isula è dopu d’una ghjovana sartinesa. « U me babbu hè ghjuntu quì ind’ì l’anni 40, conta Jean-Paul Phelip, u prupietariu attuali di u duminiu. Dopu à u scontru cù me mamma, chì era prupietaria di stu vechju vignetu di l’Ortolu par via di a so famiglia, i Polidori, u me babbu hà sceltu di stà in Corsica, è di ripiglià a dirizzioni di u duminiu ». Jean-Paul, avucatu parighjinu, è a so moglia, Benedicte, pigliani dopu a dicisioni di dà un fiatu novu à u duminiu in cori di l’anni sittanta, mentri ch’elli spartiani i tarri cù a so surella.

« Cù me moglia, emi postu torna tuttu è abitatu a casa fami-gliali duva i me figlioli è figliulini t’ani oghji u piacè di passà i so vacanzi. Mi piaci à parcorra u duminiu è à travaglià a vinificazioni, ma pà ciò chì tocca à a prumuzioni è à a cummircializazioni di i nostri vini in ghjinirali è di i nostri annati prestigiu in particulari, lasciu fà a me moglia. », spiega Jean-Paul Phelip.

Oghji, a rinumata di i famosi millesimi Alfieri Polidori hà francatu i fruntieri di l’Ortolu è si poni ritruvà i buttigli i più boni sinamenti in China.

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu