Aghjugna à u vostru librettu di strada

Gilles et Fils SEROIN

Domaine Santarmettu

Vini AOP Corse-Sartène – Oliu d'aliva AOP

I tarritorii : Sartinesi Valincu Taravu

I catigurii : In ghjiru à l’alivu è u castagnu, I vini

I pruduzzioni agriculi : I Vini di Corsica, Oliu di Corsica

U bellu vignetu di Sant Armettu hè statu criatu da Paul Seroin, ind’ì l’anni sissanta, in cori di “l’Appillazioni d’Urighjini Cuntrullata di i vini di Sartè”. Sta tarra devi u so nomi à un rimitu butanistu, chì sicondu ciò chì si dicia, avia u donu di guariscia. À stu « Santu Rimitu », li sariani piaciuti i vini fruttati è suttili di u Duminiu Sant Armettu.

I vigni posti in tarrazzi fatti à scalelli u longu di i mezanii chì supraneghjani a cala di Prupià, sò arricchiti da l’influenza di l’ambati, sò cultivati sicondu l’arti nustrali, senza disarbanti nè pesticidii. S’è i primi decenii funu cunsacrati à a pruduzzioni pà a cuuperativa di Sartè, da u 1996, data di criazioni di a cantina, Paul è u so figliolu Gilles Seroin, vinificheghjani è curani cù amori l’insemi di a pruduzzioni di u vignetu. Dipoi u 2008, u duminiu pruduci dinò un oliu d’aliva chì faci a cam-pa di i bocchifini, è s’hè arricchitu d’un bellu alloghju campagnolu custruttu nantu à i ruvini di l’agrottu di u vechju rimitu.

Com’è ellu ind’i tempi, Seroin, babbu è figliolu, elabureghjani biendi sapiuti chì incantani i visitatori di u duminiu. Mino, Ondale, Minustrellu, Pivarella, Rosumarinu, A Maredda, Myrtus.. In issa bella varietà di tinazzati, omu ùn sà più chì scelta fà !