Aghjugna à u vostru librettu di strada

Isabelle COURREGES

Domaine de Pratavone

Vini AOP

Accolta : Da aprili à sittembri, da u luni à u sabbatu /lugliu-aostu, ogni ghjornu / da uttobri à marzu, di matina.

I tarritorii : Sartinesi Valincu Taravu

I catigurii : I vini

I pruduzzioni agriculi : I Vini di Corsica

Prima hè statu u babbu chì hà lacatu i so vigni in Algeria ed hè scalatu nantu à i custeri di Corsica in l’anni sessanta par crià u Duminiu di Pratavone è tandu pudia principià a storia di Isabelle Courrèges in a viticultura. À poca distanza di a cala di Porti Poddu, ci ritrova a stessa tarra bagnata di soli chì cunveni cusì bè par fà crescia a vigna. Isabelle si trova prestu impignata in i vindemii, in prima s’alluntana quantunqua di u babbu par perfezziunà a so furmazioni in altri tarri di vini girendu u mondu sanu. Ma à u principiu di l’anni novanta, risenti a brama di vultà in Corsica è travaglià à fiancu à u babbu.

«In prima, ùn era tantu faciuli di travaddà cun eddu. Era avvizzu à fà à modu soiu è ùn erami sempri di u stessu parè », ci conta a viticultrici. Ma sparteni u stessu amori di u vinu è cusì sboccani à fà una sintesi trà a spirienza (quista ùn hà prezzu !) di u babbu è l’idei antivisti d’Isabelle.

Oghji hè natu un vignetu rinumatu chì Isabelle oramai hè sola à curà. Una cantina nova muderna muderna, una prisintazioni nova è vini chì sò di più in più fini, u Duminiu Pratavone faci parti, di sicuru, di u paisaghju di i vini isulani.