Aghjugna à u vostru librettu di strada

Jean-Baptiste - Alexandra - Marc Aurèle dE PERETTI DELLA ROCCA

Domaine de Tanella

Vini AOP Figari

Accolta : Tutta l'annata in cori di u paesi di Figari/ di statina : à a buttrega, strada di Bunifaziu.

I tarritorii : Sud Corse

I catigurii : I vini

I pruduzzioni agriculi : I Vini di Corsica

U Duminiu de Tanella faci parti di i 7 vigneti in pruduzzioni di Figari. Cù i so 58 ettari, ùn hà compiu di stenda si dipoi 1855 ! « È ùn hè micca compiu ! dici Jean-Baptiste De Peretti della Rocca, u patronu di i lochi. A me brama saria di tutalizà à longu andà 80 ettari cù u scopu di copra una cullizzioni larga d’uvizzi, cù i principali chì fermani endemichi ! ».

Jean-Baptiste hè natu à nantu à u duminiu. Ci hà crisciutu, aiutendu i so antenati nantu à a splutazioni viticula è vaccina. 40 anni sani cunsacrati à sta tarra granitica ! « I me primi ricordi in a tinuta ricoddani à l’età di cinqui anni. Aviu dighjà u me bastonu pà guidà a soccita di vacchi ! ».

Stu vignaghjolu impratichitu hè fieru di participà à a terza fasa di a viticultura corsa. « Emi cunnisciutu un’epica duva omu si ni ridia di i vini isulani. Oghji tutta a riflissioni si faci in ghjiru à a ristrutturazioni di un vignetu. Oghji tutti i cantini  - ancu i cuuperativi – pruponini vini di qualità, chì cuntribuiscini à a ricunniscenza di u vignetu corsu. » Jean-Baptiste voli assicurà a durata di issa riputazioni cù novi ughjettivi pà u Duminiu di Tanella. Com’è par un dettu a piantazioni à vena d’un uvizzu particulari à u Stremu Suttanu, un rossu putenti : u Carcaghjolu Neru. 

Prughjetti chì sò sustinuti da a so figliola,  Alexandra, incaricata di a vendita è di a cumunicazioni. « Tanti cosi fermani sempri da metta in baddu. L’avvena ci dà spiranza ! » cuncludi a ghjuvanetta– settima ghjinirazioni !