Aghjugna à u vostru librettu di strada

Julie et Mathieu MARFISI

Clos Marfisi

Vini AOP Patrimoniu - Muscatu AOP Capicorsu

Accolta : D’aprili sin’à uttrovi

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

U Clos Marfisi hè natu dui seculi è mezu fà, in 1870 ! Julie Marfisi hè a quinta ghjinirazioni di vignaghjoli, a prima donna à pusseda cinqui di i dodici ettari famigliali. « Stà ind’u vignetu mi paria un affari evidenti. Quandu aveti crisciutu ind’un locu cusì magicu, hè difficiuli di pinsà d’andassi ni da quì ! » Julie ampara i tecnichi di vinificazioni à fiancu à u babbu, Toussaint, ind’u rispettu di i tradizioni antichi. Aiutatu da a mamma, Madeleine – architetta di furmazioni – scopri dinò a gistioni amministrativa di u Duminiu. In 2011, nasci a so prima pruduzzioni sottu à u nomi di « Cuvée Julie », accumpagnata d’una littarina simplici è stilizata : « J ».

Mentri i setti anni d’amparera di Julie, Mathieu, u frateddu maiori, finisci i so studii à l’École des Mines di Saint-Etienne, po travaglia com’è inginieru di i Finanzi in Parighji. Passa issu tempu à rifletta à u so avvena, i so brami, i so scelti à vena…Po veni a cirtezza ! Mathieu demissiuneghja di u so postu parighjinu è suvita una furmazioni specifica, un BTS d’enulugia ch’eddu riesci in 2014 ! « Voltu, dì la à babbu » Sò stati quissi i so soli parolli ! dici Julie surridendu. I nostri parenti ùn ci ani mai custrettu à sceglia issa via. Ma vi possu assicurà chì oghji ghjornu ni sò filici ! ».

Mathieu avà hè di modu ufficiali à fiancu à a surella pà i prussimi prughjetti di u vignetu.  È prughjetti ci n’hè in capu di i dui ghjovani vignaghjoli !