Aghjugna à u vostru librettu di strada

Valérie GIUDICELLI

Domaine Costa Verde

Vini AOP

Accolta : tutti i ghjorni di l’annata

I tarritorii : Corsica Livantina

I catigurii : I vini

I pruduzzioni agriculi : I Vini di Corsica

Zone de livraison

Bastia, Côte Orientale, Casinca

Produits livrés

Vin AOP de Corse

Dopu à studii di dirittu assai assidui, Valérie Giudicelli travaglia un’annata com’è ghjurista in Nizza. St’annata sola l’hà parmissu di « apra l’ochji » è tandu capisci chì u so avvena ùn hè quissu chì s’avvia à l’isciuta di u so dutturatu.  « U binifiziu maiò di a me furmazioni pà u duminiu, hè chì riesciu à bastanza bè à truvà suluzioni adatti par ciò chì hè ghjuridicu ! » dici Valérie ridendu.

In u 2007, piglia dunqua a dicisioni di righjugna u so babbu, nantu à a costa urientali. Antoine-Jacques ci pussedi u so duminiu dipoi 1960. Hè u primu vignaghjolu ad avè cuncipitu una cantina tuttta automatizata. – da u palmentu à a tina – in 1950, in a Vinzulasca, in a righjoni di Casinca. « M’arricordu bè d’avè la visitata, zitedda, cù me babbu. Mi spiigava pricisamenti tutti i tappi di u parcorsu di u vinu sinu à l’imbuttigliera. Sarà di sicuru à parta da stu mumentu chì m’hè stata trasmissa issa passioni ! ».

Antoine-Jacques hè oghji sempri affacindatu ind’i vigni. Valérie hè incaricata di a vinificazioni, ma dinò di u mantenimentu di u vignetu. « Aghju sempri praticatu metudi chì rispittaiani i ciculi naturali. Par un dettu, u raportu cù a luna pà a putera ; i trattamenti à u minimu pà curà o disarbà à pocu à pocu. Una biudinamia in accordu cù Mamma Natura ! » U Duminiu Costa Verde t’hà oghji cinqui ettari in pruduzzioni. Cinqui ettari libari, sputichi è umili. U spechju di Valérie !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu