Aghjugna à u vostru librettu di strada

Marie-Françoise GARCIA

E PETRE

Vini IGP Ile de Beauté

Accolta : Tutta l'annata

I tarritorii : Corsica Livantina

I catigurii : I vini

I pruduzzioni agriculi : I Vini di Corsica

Situatu nantu à l’altezzi d’Aleria, u picculu duminiu E Petre si custruisci un’identità chì faci a so riputazioni ! A cantina di Marie-Françoise è Pierre Garcia binifizieghja d’una struttura artisgianali è sputica cù, par un dettu, un veru palmentu (tina di budditura).

« A fabbricazioni di u vinu rossu hè fatta à l’antica. Emi sceltu a tradizioni ma cù l’aiutu di i tecnulugii muderni ! spiega Marie-Françoise. Un’ avariami mai pinsatu fà noi stessi a missa in buttiglia, aghjusta a vignaghjola, « Sò i nostri ziteddi chì ci ani incuraghjitu à pruvà sta spirienza ! » aghjusta cù piacè Pierre.

In 1970, a pruduzzioni hè risirvata tandu à a cunsumazioni famigliali. Marie-Françoise è u so babbu, Pierre-Joseph, piantani torna 73 ari – u duminiu oghji n’hà 77. Subitu, Pierre diventa u rispunsevuli. À fiancu à u so sociaru, st’anzianu chirurgicu-dintistu ampara a putera di a vigna, i vindemii, i gesti antichi. 43 anni di spirienzi ! « Dopu, aghju avutu l’aziu di fà un vinu à me gustu, alluntanatu da l’urdinarii, dici cù piacè Pierre, cù uvizzi chì mi garbani com’è u Cabernet-Sauvignon, u Chardonnay è u Cinsault, mischiati à uvizzi sputichi corsi. » U primu millesimu di u duminiu esci in u 2010. Quattru anni dopu, u vinu E Petre hè prisenti nantu à i toli ghjappunesi è di u Luxembourg ! L’avvena li riserva dinò beddi surpresi !