Aghjugna à u vostru librettu di strada

Jean-Marc & Emmanuel VENTURI

Domaine VICO

Vini AOP

Accolta : Tutta l'annata, 9 ori -meziornu è 2 ori -7 ori di sera / tasteri, visiti guidati è spuntinu à a cantina à nantu à appuntamentu (da 12 € à 40 €).

I tarritorii : Centru di Corsica

I catigurii : I vini

I pruduzzioni agriculi : I Vini di Corsica

U Clos Venturi hè l’unicu vignetu di a righjoni Centru Corsica, è dino u più altu in altitudini - trà 300 è 400 metri. Cù una particularità simuli, l’aromi uttinuti offrini qualcosa di particulari. « A parsunalità d’un vinu si faci prima par via da a tarra di u rughjoni duva sò posti i vigni. Quì u duminiu hè for’di normi, senza influenza marittima, cù un clima cuntinentali, ciò chì dà à u vignetu culturi putenti chì cunservani finezza è equilibriu », spiega Emmanuel Venturi, succissori di u so babbu, Jean-Marc, à a dirizzioni di sta pruprietà maiori di 82 ettari. Quandu a famiglia Venturi otteni in pruprietà a splutazioni in u 1986 - cumprata à a famiglia Vico, patronu di u duminiu dipoi u 1901 – piglia a dicisioni di fà subitu una ristrutturazioni. Jean-Marc è u so cuginu, François Acquaviva, si mettini à pona 62 ettari. Emmanuel, dopu à studii di gestioni è di management in Nizza, i righjugni in u 2003.

« À u filu di i me scambii numarosi cù me babbu, aghju capitu comu ci vulia à travaglià a spicificità di issa tarra. I so cunsigli mi parmettini oghji dinò di dà sempri più di carattaru à i millesimi ».

Com’è accadi à spessu in Corsica, i distinati si facini dinò è sopratuttu in famiglia, l’arradichera à a tarra essendu liata assai à a famiglia. Oghji a cantina  di u  Domaine Vico – Clos Venturi accogli un publicu sempri più numarosu ind’un locu mudernu è naturali, publicu invitatu à a scuparta gustativa d’una tarra lucali d’eccezzioni !

Contactez le producteur

Vuleti di più infurmazioni, impiiti u furmulariu siguenti è vi rispundaremi prestu