Aghjugna à u vostru librettu di strada

Daniel & Antoine ANGELI

Casa Angeli

Muscatu AOP di u Capicorsu – Distillaria

Accolta : Tutta l’annata

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

À senta à Daniel Angeli ùn ci hè nunda chì vali u travagliu in famiglia. Deci anni fà, quandu st’anzianu funziunariu si ni volta à a so prima passioni è ripiglia in Ruglianu un’anziana prupietà di a famiglia d’un ettaru di vigna in muscatu (hè a lenza a più chjuca in Appellazioni d’Orighjini Cuntrullata di tutta a Corsica) ùn pensa à fà stu prughjettu senza impignà u figliolu Antò.

« Avia a vulintà è a brama di mantena a pruduttività di sti vigni di più di quaranta anni, ma avia par u più in menti st’idea maestra di trasmissioni. »

In u stessu tempu babbu è figliolu facini crescia una piccula distillaria in u paesu di Tuminu. Prestu veni Angelique, a figliola maiò di Daniel, à rinfurzà a squadra. L’attività cresci è si trovanu à u strettu in u so lucali è in u 2012 a famiglia si ni volta in Ruglianu in una distillaria nova è spaziosa.

Oghji, a Casa Angeli pruponi una quarantina di prudutti cuncipiti da anziani sosuli tradiziunali com’è Le Pastis corse à l’Ancienne, midaglia d’oru in 2013 à u Cuncorsu Mundiali di Bruxelles in a categuria ‘Spiritueux’.

« Budditura à l’antica è acquavita, eccu u sicretu par un sapori sputicu ! » ci cunfida Daniel. « Par avè prudutti di qualità è circà a qualità a più alta ci voli ad essa senza difetti è avè un’esigenza tamanta. » aghjusta Antò chì hè duvintatu oramai u capu di l’impresa.

Hè una vera cuntintezza par u babbu chì quand’era ghjuvanottu facia solu solu u so vinu in cantina!