Aghjugna à u vostru librettu di strada

Marc IMBERT

Domaine De Torraccia

Vini AB/AOP Porto Vecchio - Oliu d'aliva AOP – Alivi di bocca

Accolta : Tutta l'annata/ lugliu-aostu, 08ori di mani-8ori di sera / l’altri mesi, 08ori-meziornu è 2ori-6ori / sarratu a dumenica è i ghjorni fistivi / gruppi nantu à appuntamentu (paganti).

I tarritorii : Sud Corse

I catigurii : In ghjiru à l’alivu è u castagnu, I vini

I pruduzzioni agriculi : Oliu di Corsica, I Vini di Corsica

« Tena caru-creda-ardì » : eccu a formula simbolica di a famiglia Imbert dipoi 50 anni, data di a criazioni di u Duminiu di Torraccia. Piunieru par ciò chì tocca à a cultura biologica, Christian Imbert, u patriarca, travaglia pà a ricunniscenza di l’uvizzi endemichi, arradicatu ind’ i sapè fà di l’urighjini. U lavoru di a tarra, a maghjinchera (vali à dì : lavurà a tarra à u pedi di i ceppi), i vindemii : tuttu hè fattu di mani !

« Un’ crergu micca à i cambiamenti maiò, dici Marc, u maiuroni, in carica di u duminiu dipoi u 2008. Quandu s’analizeghja u nostru lucali, hè chjaru chì u Torraccia hè cusì oghji parchì hà sappiutu firmà simplici è sputicu. Hè sta qualità ch’e vogliu prisirvà tali è quali. » Anzianu rispunsevuli di i vini in Califurnia, Marc hà una cunniscenza fundia di i tecnichi di vendita, di u « business » com’eddu a dici. « Un timperamentu assai amiricanu, palesa Marc,  ma oghji aghju francatu una tappa : socu vignaghjolu è quissa cambia tuttu ! » Vignaghjolu ma micca solu ! A famiglia pussedi 25 ettari d’alivi. « Un alivetu anticu com’è u duminiu, spiega Christophe, u fratellu minori di Marc. L’oliu pruduttu quì hè aggustevuli, ma ancu i Picholines (varietà d’alivi di bocca urighjinarii di u Gard) sò assai apprizzati da i bocchifini… è quandu vegu à me figliola chì sgambitteghja senza pinseri, ricunnoscu u piacè datu da stu locu ! »

Un suppulu d’umanità, eti dittu ? Hè a maghjina di u Domaine de Torraccia dipoi un mezu seculu !