Aghjugna à u vostru librettu di strada

Jean-Louis, Thomas et Matisse SANTAMARIA

Domaine SANTAMARIA

Vini AOP Patrimoniu - Muscatu AOP Capicorsu

Accolta : Tutta l’annata da u luni à u sabattu : 9h-12h / 14h-18h
Fora di st’orarii è a duminicata, nantu à risirvazioni

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Hè un sicretu, forsi un pattu sacru chì pari quì lià l’omi à a so tarra : dapoi cinqui ghjinirazioni, a famiglia Santamaria lavureghja è scassa i piani di tarreni ; innova in u so travagliu, prova, invistisci… È issa tarra a li rendi bè ! I vini è muscati di u duminiu facini a campa è a fiertà di tuttu un rughjoni !

Suviteti a strada di u lavu di Padula è lasceti vi cuntà a storia di quiddi famosi vini in AOP Patrimoniu !

Hè Jean-Louis Santamaria chì dirighji oghji u duminiu. Discretu, fervidu è talmenti sulidariu, si prisenta eddu stessu com’è un « simplici » paisanu vignaghjolu.

« Di sicuru aghju ascultatu i cunsigli di me babbu… ma u vinu bonu hè una ricumpensa di a natura, assai più cà u risultatu d’una tecnica ! » ci dici… Quandu si cunnosci u veru aserciziu dilicatu di u prucessu di vinificazioni – duva un sbagliu solu diventa un dannu maiò ! - si capisci quantu faci prova d’umilità ! Cunvintu chì un’agricultura durevuli è rispunsevuli hè a scelta bona, hà iniziatu dapoi 2011 una cunvirsioni in agricultura biulogica. Scelta chì u so figliolu Thomas s’appronta à parpituà…

Ind’a sala di tastera, amparareti i sfarenti uvizzati è tastareti i rossi, i bianchi, i chjarasgini, i muscati…tutti cù una schiittezza di sprissioni eccezziunali ! A so assistanti Emilie vi palisarà comu accurdà issi nettari fabulosi cù i piatti i più adatti…