Aghjugna à u vostru librettu di strada

Stéphanie OLMETA

Domaine Stéphanie OLMETA

Vini AOP Patrimoniu - Muscatu AOP di u Capicorsu

Accolta : Da u 1u d’aprili à u 30 d’uttrovi, 9h30-12h30 / 15h30-19h30
Nantu à appuntamentu fora di staghjoni d’apartura

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Si pò dì ch’edda hè una paisana Stephanie Olmeta : hè crisciuta è s’hè spannata in Patrimoniu. Prima hè sicritaria è mancu ùn s’intaressa tantu à a vigna quandu, in u 2004, u babbu li pruponi di ripiglià i vigneti di i missiavi. A so urighjini, i so radichi, a so ghjuventù è pò essa dinò a voglia di pruvucà…l’ani da purtà à fà i so provi !

Hà amparatu sola è porta a so prima racolta dui anni dopu cù vini chì t’ani a so sumiglia : pieni d’energia è freschi, cù una bedda parsunalità, carchi di prumessi. Ùn hè cascata da u celi sta riescita : cù u maritu ani stantatu par ristrutturà i vigni posti di Vermentinu, Niellucciu è Muscatellu è rimpiazzà i calzi chì mancaiani. Ci hè vulsutu à custruì una cantina par l’affinera è un’antra cantina, po amparà à cunducia è à gestì un vignetu Biò. Parechji volti sò stati pronti à abbandunà, ma ani tinutu cù u sustegnu di l’altri vignaghjoli di Patrimoniu.

« Hè una vera scelta u Biò…par fà i nostri vini ùn ci entri mancu un pesticidiu è mancu un livami. » ci spiega Stefania chì ùn hà mancu appena a nustalgia di a so vita di nanzi.

I so tinillati seguenti palesani u so sapè fà è u so talentu par dà vita à vini carchi di garbu, di gustu è di pricisioni.

Bianchi, chjarasgini, rossi è muscati si ritrovani tutti in a buttrega ben assistata di a vignaghjola chì ricevi i clienti d’aprili à a fini d’uttobri prima di vultà in cantina à travaglià i so nettari svariati.