Aghjugna à u vostru librettu di strada

Pierre-Marie NOVELLA

Domaine NOVELLA

Vini AOP Patrimoniu - Muscatu AOP Capicorsu

Accolta : Da maghju à sittembri. 9h-12h / 14h-18h

I tarritorii : Nebbiu - Capi Corsu

I catigurii : I vini

I pruduzzioni agriculi : I Vini di Corsica

Riceva in lascita una tarra di vigni in un rughjonu predilettu : pudaria fà un beddu rumanzu è puru hè a storia vera è felici chì Pierre-Marie Novella hà campatu ghjovanu ghjovanu in paesi d’Oletta.

St’omu curdiali è vulintarosu hè andatu aldilà di u mudellu lacatu da i parenti è pripara i so vini cù a stessa passioni cà i primi ghjorni.

Ma quantu hè stata longa a strada ! Quandu ripiglia a splutazioni di famiglia, travaglia senza richetu : cuntinueghja cù i metudi di nanzi, favurizeghja i vindemii fatti à manu è una cultura senza disarbanti cù u rispettu di a tarra è di a natura ; poni nantu à stu tarrenu arzillosu è calcariu altri ettari cù calzi tradiziunali di l’AOP Patrimoniu (Niellucciu, Vermentinu, Muscatellu) ; è da u 1978, principia à vinificà i so vini è à mudernizà i so impiantamenti fendu a custruzzioni d’una cantina par a vinificazioni è l’affinera.

Oghji, hè tuttu u talentu d’un omu liatu à a so tarra chì si sprimi in i so vini : culori rossu, salmonu o giaddu tralucenti, ognunu t’hà una parsunalità ben stampata è una qualità da tastà ; u so biancu è u so muscatu sò stati midagliati cù l’oru à u Cuncorsu Generali Agriculu.

« Sò i nostri clienti l’imbasciatori i più sicuri è i nostri porti li so aparti tutta l’annata ! »        A cantina di Pierre-Marie hè posta sottu à a casa di famiglia, quandu si entri in paesi è chì si fala versu San Fiurenzu. In tempi di vindemii, pinseti solu à chjamà prima d’affaccà !