Aghjugna à u vostru librettu di strada

Félicien LUCIANI

Domaine Petricajola

Cunfitturi

Accolta : Ghjugnu - lugliu - aostu

I tarritorii : Nebbiu - Capi Corsu

I catigurii : In ghjiru à l’arbureti è l’orti

I pruduzzioni agriculi : I frutti è ligumi di Corsica

S’è vo passeti in spassighjata trà a bocca di Tighjime è Muratu hè sicura ch’è vo vidareti, nantu à i fiori di l’albitri o a tramula di i castagni, l’abi affacindati di Félicien Luciani.

Stu ghjovanu agricultori si hè cullucatu in piaghja d’Oletta è cura 150 bugni nantu à i tarri di  a so famiglia. Avia solu vinti anni quandu hà criatu a so impresa da cima à fondu. « Hè una furtuna, i me abucci nustrali pruducini in ogni staghjoni !… » Po, cù un sguardu paternu addeva, fighjula è cura i so imenutteri par racoglia i meli diversi à u filu di l’annu.

Appena l’aveti scuntratu vi discrivi, à u paru d’un scientificu, u travaddu asattu di l’abi, a funzioni ghjusta di tutti è i spicificità di i nostri razzi endemichi…

È mentri ch’eddi sò affacindati manch’eddu ùn perdi u so tempu…piglia i frutti di sti tarri è    i cambia in cunfitturi cusì boni è, in più poni 1200 pedi d’alivi, fighi biferi è agrumi…

È chì vi ni pari d’avè u vostru nomu nantu à un bugnu ? Felicien hè statu u primu à sviluppà st’idea. Sustinendu un bugnu aiuteti à salvà l’abi ! È ogni annu sei vasetti maiò di meli cù sapori varii vi sarani mandati in casa ! Canseti puri ind’è stu militanti di a natura chì in più di favvi tastà a robba bona hà da sparta cun voscu l’incantu di a so passioni !