Aghjugna à u vostru librettu di strada

Cyril POMPEANI

Farina di castagna AOP

Accolta : Tutta l'annata nantu à appuntamentu

I tarritorii : Dui Sevi-Dui Sorru - Cruzini - Cinarca

I catigurii : In ghjiru à l’alivu è u castagnu, L’addevu, a robba purcina, i casgi

I pruduzzioni agriculi : U Prisuttu, U Lonzu, A Coppa di Corsica, A farin castagnina corsa

Cyril Pompeani hà fattu a scelta di fà campà torna un tarrenu di u castagnetu cumunali di u so paesi, cù u scopu di pruducia a farina castagnina corsa tradiziunali, labillizata in AOP.

In fatti, Marignana, paisucciu di muntagna, postu à ottucentu metri d’altezza è tappa apprizziata assai da i marchjatori di u Mare è Monti, hè rinumatu dinò pà u so castagnetu maistosu. Cyril pulisci cusì 300 ettari* è l’intratteni assuciendu sapè fà tradiziunali è tecnichi muderni. Messa in valori di a tarra è di l’arburi, cugliera manuali, sicchera tradiziunali à nantu à grati (u siccatoghju hè sopra à locu, sottu à i castagni), scelta è infurrata, nanzu à l’ultima tappa à u mulinu …Eccu u prucessu di fabbricazioni suvitatu cù minuzia chì sarà di primura pà a qualità di a farina ! Forza, pacenzia è curaghju …Si pò dì chì issi valori trasmissi da u nostru « arburu mimoria » sò quì d’attualità, pà una pruduzzioni di à pocu pressu 800 chilò di farina schietta, fina è prufumata ! È pà diversificà si, Cyril si lancia cù a so famiglia in a pruduzzioni di cunfitturi casani, fatti cù a fica, a prugna, è di sicuru cù a castagna...A vendita si faci par avà in parechji lochi è fieri campagnoli. Da quì à pocu, ci sarà un locu d’accolta sopra à locu ; ci pudareti tastà i pruduzzioni diliziosi di a famiglia Pompeani. 

* issi trè ettari sò avvalurati da Cyril Pompeani è Jean-Luc Versini.