Aghjugna à u vostru librettu di strada

Dominique CHABAS

Casgiu San Paolo

Furmagliu caprunu casanu

Accolta : Tuttu l'annu, tutti i ghjorni, di 10h a 13h

I tarritorii : Corsica Livantina

I catigurii : L’addevu, a robba purcina, i casgi

I pruduzzioni agriculi : U casgiu corsu, Agneddu lattaricciu è caprettu

L’amori di l’animali senza limita com’è mottu simbolicu !

Dopu avè abandunatu u so anzianu mistieru di sicritaria aiutu cuntabili in Marseglia, Dominique Chabas ci cunsacra a so vita nova. Si stalla in Corsica in u 2005 è piglia a dicisioni, a pena ghjunta, di suvità una furmazioni agricula à u liceu di U Borgu. « U me babbu era campagnolu, conta Dominique, à dì la franca erami sempri inturniati d’animali. Ma parò ùn eru mancu à pena pratica in u mistieru d’allevatori ! ».

Diplumata in u 2007, Dominique scopri nantu à u tarrenu i tecnichi di l’allevu picurinu. Ma in pocu tempu, lascia da cantu i pecuri è faci a scelta di a cultura capruna, una tradizioni isulana antica esigenti. « M’hè subitu piaciutu u cuntattu cù st’animali ! Aghju capitu chì di modu naturali pudia nasci una leia fonda ! dici allegra Dominique. Aghju sapiutu ch’aviu trovu a me strada. »

Dominique aspetta cù pacenzia issa stallazioni addivendu a so prima cinquantina d’animali … cù u bivaronu ! Una vera mamma pà sta banda chì conta oghji 120 capri. Un casgili novu si farà da quì à pocu. Hè tracciata dritta a strada pà Dominique, l’allegra addivatori !