Aghjugna à u vostru librettu di strada

COOPERATIVE LAITIERE U TARAVU

U TARAVU

Casgiu picurinu è picurinu mischiatu cù u caprunu - Brocciu AOP

Accolta : Da dicembri à ghjugnu, da u luni à u sabbatu / lugliu-aostu, di matina (08 ori-12ori).

I tarritorii : Sartinesi Valincu Taravu

I catigurii : L’addevu, a robba purcina, i casgi

I pruduzzioni agriculi : U Brocciu, U casgiu corsu

Criata à u principiu di l’anni 80 da uni pochi di pastori taravesi chì si vuliani metta insemi par mutualizà u so travagliu è venda à u megliu a so pruduzzioni, a cuuperativa casgiaghja di u Taravu adunisci oghji setti pruduttori di u rughjonu, capraghji è picuraghji. Ogni matina si ricumencia com’è un baddu armuniosu, a listessa facenda à l’intrata di Pitretu è Bicchisgià. Dopu ghjuntu u latti, passa in i mani spirimintati di u fabricanti di casgi chì principia à fà i casgi è i brocci. Ci spieca : «Quì, hè solu a quantità di latti chì hè più impurtanti. Par u restu, tinimi i listessi tecnichi par fabricà è staghjunà cà tutti l’altri pastori isulani. ». Basta à fighjulà i passa è veni di i clienti avvezzi o quiddi di passaghju vinuti à cumprà i brocci sempri caldi o i tommi cusì gustosi par essani cunvinti.

« Credu ch’eddi voltani i clienti parchì ci faceni cunfidenza. Sani d’induva veni u latti è ci poni veda ogni ghjornu fabricà i nostri prudutti. » Chì si pò dì di più ?