Aghjugna à u vostru librettu di strada

Jean Baptiste Domaine DE PERETTI DELLA ROCCA

Domaine DE PERETTI DELLA ROCCA

Vinu AOP - (Lucazione di mandrie)

Accolta : In cantina, l'annata sana pigliendu un appuntamentu / lucazione, fora di u periudu trà maghju sittembre.

I tarritorii : Sud Corse

I catigurii : I vini, I toli & stanzi d’ospiti, ustarii agriculi & alloghji campagnoli

I pruduzzioni agriculi : I Vini di Corsica

Hè un omu di cunvinzione Jean-Baptiste De Peretti Della Rocca. È ghjè incù st'indiatura è assai determinazione ch'ellu si stalla, in u 2003, nant'à u so duminiu, dopu à un spartimentu di e terre famigliale. L'annu dopu, eccu lu chì face da agricultore ! Vaccaghju, di modu più precisu.

Po volta issa brama chì u stuzzicheghja da tant'anni di sfruttà a vigna. « Hè una voglia chì vene da luntanu ! Palesa Jean-Baptiste. Aghju principiatu per piantà trè ettari d'uvizzi nustrali in u 2013, seguiteghja l'agricultore. Oghje, sò in pruduzzione sei ettari è una nova particella hà da inghjennà a prima tinata di biancu in u 2021 », si ralegra u giovanu vinaghjolu. Qualità, tipicità, sincerità (sò fatte à a manu e vindemie) sò e parolle maestre di a Famidda De Peretti Della Rocca.

Cum'è i caseddi ch'ellu prupone Jean-Baptiste à quelli chì cercanu a tranquillità è l'autenticità. « Mi piace a cuerenza trà l'opinione, l'azzione è e scelte. Era impurtante per mè di dà à u visitore un spaziu à tempu elegante è cù un'intenzione simplice : esse in core à a natura. Incù u vignetu di Jean-Baptiste, dà a Corsica ciò ch'ella hà di più bellu : a pace.